کرناٹک

حضرت خواجہ سید محمد بادشاہ قادری چشتی یمنی قدیرؒ ہلکٹہ شریف کے 46ویں سالانہ عرس شریف کا آغاز

پروگرام کے مطابق 12محرم الحرام 1445ھ مطابق31 جولائی 2023 عیسوی بروز پیر بعد نمازمغرب مرکزی جلسہ قومی یکجہتی وپیامِ محبت کے ذریعہ عرس تقاریب کا آغاز عمل میں آیا۔

ہلکٹہ شریف: سجادہ نشین خیر و قدیرؒ پیر طریقت حضرت الحاج خواجہ سید ابو تراب شاہ قادری چشتی یمنی بندہ نوازی المعروف بہ حضرت ترابؔ قدیری ہلکٹہ شریف نے بتایا کہ نُورِ نِگاہِ کریمؒ حضرت خواجہ سیدمحمد بادشاہ قادری چشتی یمنی قدیرؒ ہلکٹہ شریف، واڑی جنکشن ضلع گلبرگہ شریف کرناٹک کے چہار روزہ 46ویں سالانہ عرس شریف تقاریب کو قطعیت دیدی گئی ہے۔

متعلقہ خبریں
مسلمانوں کو سختی کیساتھ با جماعت نمازوں کی پابندی اور دنیا و آخرت کی بربادی کے عناصر سے بچنے کی تلقین، ہلکٹہ شریف میں سابق ایم پی علامہ عبیداللہ خان اعظمی اور دیگر علمائے جامعہ نظامیہ کا خطاب
عرس حضرت خواجہ سید محمد بادشاہ قادری چشتی یمنی قدیرؒ ہلکٹہ شریف

پروگرام کے مطابق 12محرم الحرام 1445ھ مطابق31 جولائی 2023 عیسوی بروز پیر بعد نمازمغرب مرکزی جلسہ قومی یکجہتی وپیامِ محبت کے ذریعہ عرس تقاریب کا آغاز عمل میں آیا۔

بعد نمازعشاء جلسۂ قراءت کلام پاک، نعتیہ ومنقبتی مشاعرہ غیر طرحی،محفلِ سماع،-13محرم الحرام مطابق یکم اگست بروز منگل بعد نمازعصر جلوس صندل مبارک از ریلوے اسٹیشن واڑی جنکشن،بعد نمازعشاء جلسۂ عظمت اولیاء اللہ بمقام آستانۂ قدیریؒ ملک کے ممتاز علمائے کرام و مشائخ عِظام (بالخصوص شُہرۂ آفاق جامعہ نظامیہ کے اساتذہ وعلماء)کے خصوصی خطابات ہوں گے۔

14محرم الحرام بروز چہارشنبہ م 2اگست بعدنماز فجر خدمتِ صندل مالی بدستِ مبارک جانشینِ صاحبؒ قدیری و شرکائے سعادت، 2بجے دن سیمنار تعلیمات اولیاءاللہؒ پر مَقالہ نِگار حضرات اپنے مقالہ جات پیش کرینگے،بعد نماز عشاء محفل سماع ہوگی۔

15محرم الحرام مطابق 3اگست بروز جمعرات بعدنماز عصرختم القرآن وبعد نمازعشاء محفل قل سے چہار روزہ عرس شریف تقاریب کااختتام عمل میں آئے گا-

نظامت کے فرائض حضرت مولانا حافظ الحاج مفتی محمد عبدالباری ساجد نظامی چشتی قادری قدیری مولوی کامل الحدیث والفقہ جامعہ نظامیہ و خطیب وامام جامع مسجد سکندرآباد اسٹیشن انجام دیں گے۔ واضح رہے کہ عرس قدیرؒ میں ملک وملت بلالحاظ مذہب ہزاروں کی تعداد میں عقیدت مند شرکت کریں گے۔ حیدرآباد سے جلوس صندل کی خصوصی ٹرین بھی نکلتی ہے۔

a3w
a3w