راہل گاندھی کے خلاف بی جے پی کا حیدرآباد میں احتجاج

حیدرآباد: حیدرآباد میں بی جے پی کے دفتر کے قریب کشیدہ صورتحال دیکھی گئی۔ کانگریس کے سینئر رہنما راہل گاندھی کی قیادت میں بہار میں منعقدہ ووٹرادھیکار یاترا میں وزیراعظم نریندر مودی کی ماں کے بارے میں دیے گئے

مبینہ توہین آمیز ریمارکس پر شدید تنازعہ کھڑا ہوگیا۔ تلنگانہ بی جے پی مہیلا مورچہ کی قائدین نے پارٹی دفتر کے سامنے احتجاج کیا۔

مودی کی ماں پر کیے گئے ریمارکس کے خلاف راہل گاندھی کا پتلا نذرِ آتش کرنے کی کوشش کی گئی لیکن پولیس نے روک دیا۔ اس دوران پولیس اور خواتین کارکنوں کے درمیان تکرار ہوئی۔ انہیں روکنے کی کوشش پر پولیس اور ریاستی حکومت کے خلاف نعرے بازی کی گئی۔

پولیس نے بی جے پی قائدین کو ہاؤس گرفتارکرلیا۔ بی جے پی دفتر کے اطراف سخت حفاظتی انتظامات کیے گئے۔