کشمیر میں بی جے پی کا مظاہرہ تاریخی:کشن ریڈی

 حیدرآباد: جموں و کشمیر کے اسمبلی انتخابات میں بی جے پی کے متاثرکن مظاہرہ کو ”تاریخی” قرار دیتے ہوئے مرکزی وزیر کوئلہ جی کشن ریڈی نے کہا کہ عوام نے اسمبلی انتخابات میں ایک بار پھر جموں کو ‘کانگریس مکت’ بنا دیا ہے۔ انہوں نے یہاں ایک بیان میں کہا کہ موجودہ  جموں وکشمیر کے اسمبلی انتخابات میں بی جے پی کی تعداد اب تک کی بلند ترین سطح پر ہے۔

جموں و کشمیر میں کانگریس کے رہنما راہول گاندھی کے تبصروں کا حوالہ دیتے ہوئے کہ کشن ریڈی نے کہا کہ ان کی پارٹی کے کارکنوں نے وزیر اعظم نریندر مودی کے اعتماد کو ختم کرنے کی ناپاک کوشش کی تاہم عوام نے ان کوششوں کو ناکام بنا دیا۔

 انہوں نے کہا کہ ہریانہ اور جموں و کشمیر کے انتخابی نتائج نے مودی کی قیادت پر لوگوں کا اعتماد ظاہر کیا ہے۔ کشن ریڈی، جو جموں و کشمیر کے انتخابات کے لیے بی جے پی کے انچارج تھے، نے کہا کہ بی جے پی نے جموں خطہ کی 43 میں سے 29 سیٹیں جیتی ہیں، جبکہ کانگریس صرف ایک ہی نشست جیت سکی ہے۔

 اسمبلی انتخابات میں بی جے پی 29  سیٹوں کے ساتھ دوسری سب سے بڑی پارٹی کے طور پر ابھری ہے۔