وڈودرہ ایرپورٹ پر بم کی اطلاع

وڈودرہ (پی ٹی آئی) وڈودرہ (بڑودہ) ایرپورٹ پر بم رکھے جانے کا ای میل ملنے پر حکام نے اچھی طرح تلاشی لی۔ دھمکی جھوٹی ثابت ہوئی۔ پولیس نے ہفتہ کے دن یہ بات بتائی۔

سنٹرل انڈسٹریل سیکوریٹی فورس (سی آئی ایس ایف) کو جمعہ کی صبح ای میل ملا تھا جس کے بعد ہرنی ایرپورٹ کی تلاشی لی گئی۔ فائر بریگیڈ‘ بم ڈسپوزل اسکواڈ اور ڈاگ اسکواڈ کو طلب کرلیا گیا تھا۔

ڈپٹی کمشنر پولیس پنا مومیا کے بموجب ای میل آئی ڈی [email protected] سے بھیجے گئے میل میں ایرپورٹس کی فہرست موجود ہے۔

احمدآباد‘ راجکوٹ اور بھج ایرپورٹس اس میں شامل ہیں لیکن یہ نہیں بتایا گیا کہ بم کہاں نصب ہے۔