ایشیاء

عمران خان کو دہشت گردی کے 2 کیسس میں گرفتاری سے تحفظ

سابق وزیراعظم توشہ خانہ کیس میں قومی احتساب بیورو(نیاب) کی تحقیقات کے سلسلہ میں لاہور ہائی کورٹ کے جسٹس باقر نقوی کے سامنے حاضر ہوئے جنہوں نے انہیں آئندہ منگل تک گرفتاری سے تحفظ فراہم کردیا۔

لاہور: پاکستان کے برطرف وزیراعظم عمران خان کو منگل کے دن لاہور ہائی کورٹ سے 3 کیسس میں پروٹیکٹیو بیل مل گئی۔ ان کیسس میں 2 کا تعلق دہشت گردی سے ہے جو گزشتہ ہفتہ اسلام آباد جوڈیشیل کامپلکس کے باہر تشدد برپا ہونے پر درج ہوئے تھے۔

متعلقہ خبریں
عمران خان اور بشریٰ بی بی کو 4 اپریل کو عدالت میں پیش کرنے کا حکم
بھگت سنگھ کیس دوبارہ کھولنے پر لاہور ہائی کورٹ کا اعتراض
رمضان میں ہند۔ پاک مچھیروں کی رہائی کا مطالبہ
وزیر اعظم کے ہاتھوں اے پی میں این اے سی آئی این کے کیمپس کا افتتاح
عمران خان کیخلاف قتل اور دہشت گردی کا مقدمہ درج

 جسٹس شہباز رضوی اور جسٹس فاروق حیدر پر مشتمل بنچ نے دہشت گردی کیسس میں پاکستان تحریک ِ انصاف(پی ٹی آئی) کے سربراہ کو 27  مارچ تک ضمانت دے دی۔

سابق وزیراعظم توشہ خانہ کیس میں قومی احتساب بیورو(نیاب) کی تحقیقات کے سلسلہ میں لاہور ہائی کورٹ کے جسٹس باقر نقوی کے سامنے حاضر ہوئے جنہوں نے انہیں آئندہ منگل تک گرفتاری سے تحفظ فراہم کردیا۔ عمران خان کی طرف سے ان کے وکیل سردار مصروف خان عدالت میں حاضر ہوئے۔