ابراہیم پٹنم میں بی آر ایس اور کانگریس کے کارکن متصادم

حیدرآباد: تلنگانہ کے رنگا ریڈی ضلع کے ابراہیم پٹنم علاقہ میں حکمران جماعت بی آر ایس اور کانگریس کے کارکنوں میں بحث وتکرار اورتصادم ہوگیا جس کے نتیجہ میں علاقہ میں کچھ دیر ک لئے کشیدگی پھیل گئی۔

اس موقع پر پولیس نے مداخلت کرتے ہوئے ان دونون جماعتوں کے کارکنوں کو منتشرکردیا۔ ابراہیم پٹنم میں کانگریس اور بی آر ایس کے کارکن اپنی اپنی جماعتوں کے امیدواروں کے حق میں مہم چلارہے تھے۔

 پرانے پولیس اسٹیشن کے قریب دونوں جماعتوں کے کارکنوں کا آمنا سامنا ہوا جس پر دونوں گروپوں کے درمیان بحث وتکرارہوگئی جس نے دیکھتے ہی دیکھتے تصادم کی شکل اختیار کرلی۔ کانگریس اور بی آر ایس پارٹی کے لیڈروں اور کارکنوں میں دھکم پیل بھی دیکھی گئی۔

صورتحال کو بے قابو ہوتا دیکھ کر وہاں موجود پولیس نے فوری مداخلت کرتے ہوئے دونوں جماعتوں کے لیڈروں اور کارکنوں کے جذبات کو سرد کیا اور ان کو منتشر کرتے ہوئے حالات کو بگڑنے سے روک دیا۔اس واقعہ سے علاقہ میں کچھ دیر کیلئے کشیدگی پھیل گئی۔