اشرف المدارس میں جشن یوم کھیل کا انعقاد، میجر جنرل این ڈی پرساد کی شرکت

حیدرآباد: اشرف المدارس ہائی اسکول مرتضیٰ نگر یاقوت پورہ میں جشن یوم کھیل (اسپورٹس ڈے) کا انعقاد شاندار طریقے سے کیا گیا۔ اس موقع پر مہمان خصوصی کے طور پر میجر جنرل این ڈی پرساد (ریٹائرڈ)، اے وی ایس ایم، وی ایس ایم، چیف آپریٹنگ افیسر سہایتہ ٹرسٹ نے شرکت کی۔ تقریب کا آغاز تلاوت کلام پاک سے کیا گیا، جس کے بعد ہائی اسکول کے طلبہ و طالبات نے بہترین ڈرل پیش کیا اور مارچ پاس کرتے ہوئے مہمان خصوصی کو سلامی پیش کی۔

اس کے بعد، پرائمری اسکول کے طلبہ و طالبات نے جلیبی کا کھیل پیش کیا جس نے سامعین کو محظوظ کیا۔ اسکول کے جوائنٹ سیکرٹری سید عبدالماجد صاحب نے خیر مقدمی تقریر کی اور کھیلوں کی اہمیت پر روشنی ڈالی۔ پروفیسر ایم ایم انور، اسکول کے سرپرست اعلیٰ، نے خطاب کیا اور طلبہ کو کھیلوں کے حوالے سے مفید مشورے دیے۔

مہمان خصوصی میجر جنرل این ڈی پرساد نے اپنے خطاب میں کہا کہ کھیلوں کے ذریعے طلبہ کی ہمہ جہتی ترقی ہوتی ہے اور یہ جسمانی اور ذہنی سکون فراہم کرتے ہیں۔ اسکول کے سیکرٹری سید انیس الدین صاحب نے بھی طلبہ کو خطاب کیا اور اپنی قیمتی نصائح دیں۔

بعد ازاں، مہمان خصوصی اور سیکرٹری صاحبان کو گل پوشی اور شال پوشی کی گئی۔ اس کے بعد طلبہ کو انعامات تقسیم کیے گئے جنہیں مہمان خصوصی اور دیگر معزز شخصیات نے تقسیم کیا۔ اس موقع پر سرپرست اعلیٰ، سیکرٹری، جوائنٹ سیکرٹری، اسکول لیڈر سید مقصود علی صاحب اور اساتذہ نے بھی انعامات تقسیم کیے۔

ڈرل اور مارچ پاسٹ کی ذمہ داری عرشیہ ٹیچر اور شیرین ٹیچر نے نبھائی۔ تقریب کی کارروائی ہائی اسکول کے صدر مدرس سید عبدالباسط صاحب نے چلائی۔ اس تقریب میں سرپرست اعلیٰ، سیکرٹری، جوائنٹ سیکرٹری، اسکول لیڈر، ہائی اسکول کے صدر مدرس، پرائمری اسکول کی صدر معلمہ آفرین شہوار صاحبہ، اساتذہ، طلبہ اور اولیاء طلبہ نے شرکت کی۔ آخر میں، سید عبدالباسط صاحب نے شکریہ کے کلمات ادا کیے اور تمام حاضرین کے تعاون کا شکریہ ادا کیا جس کی بدولت تقریب کامیاب رہی۔