مرکز نے بے روزگاروں کے مسائل کے حل کیلئے اقدامات کئے: بنڈی سنجے

حیدرآباد: تلنگانہ بی جے پی کے لیڈرو کریم نگر لوک سبھا کے امیدوار بنڈی سنجے نے کہا ہے کہ مرکزی حکومت نے عوام اور بے روزگاروں کے مسائل کے حل کے لیے اقدامات کئے۔

انہوں نے کریم نگر میں منعقدہ انتخابی مہم کے دوران خطاب کرتے کہا کہ وہ مشکل حالات میں کسانوں کے ساتھ کھڑے ہیں۔

انہوں نے کہا کہ مرکزی حکومت سے فنڈز لا کر ترقیاتی کام کروائے گئے ہیں۔ انہوں نے کہا کہ اگر کریم نگر کی ترقی کو یقینی بنانے کیلئے بی جے پی کی کامیابی ضروری ہے۔

انہوں نے اس یقین کااظہار کیا کہ مودی ایک مرتبہ پھر وزیراعظم بنیں گے۔