تلنگانہ میں اگلے 5 دنوں میں بارش کے امکانات

حیدرآباد: آئندہ پانچ دنوں میں تلنگانہ کے کئی اضلاع میں مختلف مقامات پر 30 تا 40 کلومیٹر فی گھنٹہ کی رفتار سے گرد آلود طوفان اور گرج چمک کے ساتھ بارش کا امکان ہے۔

موسمیاتی مرکز (آئی ایم ڈی) نے جمعہ کو کہا کہ اگلے سات دنوں کے دوران ریاست کے کئی اضلاع میں الگ الگ مقامات پر ہلکی سے درمیانی بارش یا گرج چمک کے ساتھ بارش کی توقع ہے۔ محبوب آباد، ہنوماکونڈا، حیدرآباد، بھدرادری کوٹھا گوڈیم، جنگاؤں، جوگلمبا گڈوال، محبوب نگر، ناگرکرنول، سوریا پیٹ اور واناپارتھی میں الگ الگ مقامات پر موسلادھار بارش ہوئی۔

گزشتہ 24 گھنٹوں کے دوران ریاست میں کچھ مقامات پر بارش ہوئی، عادل آباد میں جمعرات کو سب سے زیادہ 39.8 ڈگری سیلسیس درج کیا گیا۔