راگولاپاڈو پمپ ہاؤس سے پانی پمپ کرنے کی ویڈیو دیکھ کرچندرابابو نے مسرت کااظہار کیا

حیدرآباد: اے پی کے راگولاپاڈو لفٹ اریگیشن (پمپ ہاؤس) سے 10 موٹروں کے ذریعہ پانی کو ایچ این ایس ایس نہر میں چھوڑا گیا۔

ہندری نیوا نہر کو چوڑا کرتے ہوئے راگولاپاڈو پمپ ہاؤس سے 10 موٹروں کے ذریعہ پانی پمپ کرنے کا انتظام کرنے پر وزیرپی کیشو نے وزیر اعلیٰ چندرابابو کا شکریہ ادا کیا۔ وزیر نے بتایا کہ ایچ این ایس ایس نہر میں وافر مقدار میں پانی آ رہا ہے اور اس پر وہ بے حد خوش ہیں۔

اس موقع پر راگولاپاڈو پمپ ہاؤس سے 10 موٹروں کے ذریعہ پانی پمپ کرنے کی ویڈیو وزیر کیشوو نے وزیر اعلیٰ چندرابابو کو بھیجی۔ وزیر اعلیٰ نے یہ ویڈیو دیکھ کر خوشی کا اظہار کیا اور کہا کہ اتنی بڑی مقدار میں پانی اننت پور ضلع میں لانا خوش آئند بات ہے۔

وزیر نے مزید کہا کہ اتحاد حکومت کے اقتدار میں آنے کے ایک سال کے اندر ہی نہر کی گنجائش کو دوگنا کیا گیا ہے، جس کے تحت پہلے 6 موٹروں سے چلنے والے نظام کو 12 موٹروں تک بڑھایا گیا ہے، اور اس وقت نہر میں دوگنی گنجائش سے پانی بہہ رہا ہے، جو کسانوں کے لیے بڑی خوشخبری ہے۔