اے پی کی ترقی میں چندرابابو سرگرم:ملاریڈی

حیدرآباد: تلنگانہ کے سابق وزیر و بی آرایس کے رکن اسمبلی ملا ریڈی نے کہا ہے کہ آندھرا پردیش کی ترقی میں وزیراعلیٰ چندرا بابو کافی سرگرم ہیں۔

انہوں نے کہا کہ وزیرِ اعظم نریندر مودی آندھرا پردیش کے لئے لاکھوں کروڑ روپے مختص کر رہے ہیں اور ترقی کی رفتار چندر ابابو کی قیادت میں تیز ہورہی ہے۔

انہوں نے تروملا میں میڈیا سے بات کرتے ہوئے کہا کہ تلنگانہ میں بی آرایس کے دس سالہ دور میں ترقی کے ایسے کام کئے گئے جو ملک میں کہیں اور نہیں ہوئے۔

حیدرآباد میں اُس وقت کے وزیر کے ٹی راما راو کی قیادت میں کئی بین الاقوامی کمپنیوں کولایاگیا جنہوں نے ریاست میں سرمایہ کاری کو یقینی بنایا لیکن تلنگانہ میں رئیل اسٹیٹ کی صورتحال بہتر نہیں ہے۔

پہلے لوگ آندھرا پردیش میں جائیداد فروخت کر کے حیدرآباد آتے تھے، اب حالات بالکل الٹ ہو گئے ہیں اور تلنگانہ کے لوگ آندھرا پردیش میں جائیداد خرید کر کاروبار کر رہے ہیں۔