منریگاکا نام بدلنا بی جے پی کی مہاتما گاندھی سے نفرت کا ثبوت ہے: ٹمریز چیرمین فہیم قریشی
فہیم قریشی نے اپنے خطاب میں کہا کہ مہاتما گاندھی نے برطانوی سامراج کے خلاف تاریخی جدوجہد کی، ملک کو غلامی سے نجات دلائی، بکھرے ہوئے ملک کو متحد کیا اور ہندو مسلم بھائی چارے کے فروغ کے لیے انتھک کوششیں کیں۔ انہوں نے کہا کہ امن، اتحاد اور ہم آہنگی پر مبنی گاندھی کے نظریات کو فرقہ پرست طاقتوں نے ہمیشہ نشانہ بنایا، جس کے نتیجے میں ان کا قتل ہوا۔
حیدرآباد: ٹی ایم آر آئی ایس کے چیئرمین جناب فہیم قریشی نے MNREGA اسکیم کا نام تبدیل کیے جانے پر بی جے پی حکومت کو سخت تنقید کا نشانہ بنایا اور کہا کہ یہ اقدام مہاتما گاندھی کے تئیں بی جے پی کی کھلی اور واضح نفرت کا ثبوت ہے۔ وہ کرون اسمبلی حلقہ کے کاروان ڈویژن میں MNREGA سے متعلق مسائل کے خلاف منعقدہ ستیہ گرہ سے خطاب کر رہے تھے۔ اس پروگرام کی صدارت کاروان اسمبلی حلقہ کے انچارج عثمان بن محمد الحاجری نے کی۔
فہیم قریشی نے اپنے خطاب میں کہا کہ مہاتما گاندھی نے برطانوی سامراج کے خلاف تاریخی جدوجہد کی، ملک کو غلامی سے نجات دلائی، بکھرے ہوئے ملک کو متحد کیا اور ہندو مسلم بھائی چارے کے فروغ کے لیے انتھک کوششیں کیں۔ انہوں نے کہا کہ امن، اتحاد اور ہم آہنگی پر مبنی گاندھی کے نظریات کو فرقہ پرست طاقتوں نے ہمیشہ نشانہ بنایا، جس کے نتیجے میں ان کا قتل ہوا۔
انہوں نے الزام لگایا کہ آج بھی گاندھی نظریات کے دشمن اپنی دشمنی جاری رکھے ہوئے ہیں۔ جناب فہیم قریشی نے کہا کہ کانگریس پارٹی ابتدا سے ہی فرقہ پرست اور گاندھی مخالف طاقتوں کے خلاف جدوجہد کرتی آ رہی ہے اور ملک میں امن، اتحاد اور یکجہتی کے لیے آخری قطرہ خون تک جدوجہد جاری رکھے گی۔
اس موقع پر خطاب کرتے ہوئے خیرآت آباد ضلع کانگریس صدر شری موٹھا روہت نے کہا کہ آل انڈیا کانگریس کمیٹی (AICC) اور تلنگانہ پردیش کانگریس کمیٹی (TPCC) کی ہدایات پر ریاست بھر میں منڈل سطح پر MNREGA ستیہ گرہ منعقد کیے جا رہے ہیں۔ انہوں نے کہا کہ کانگریس پارٹی بی جے پی کی تفرقہ انگیز اور اشتعال انگیز سیاست کو ہرگز برداشت نہیں کرے گی۔
اپنے صدارتی خطاب میں جناب عثمان بن محمد الحاجری نے سچے کانگریس کارکنوں سے اپیل کی کہ وہ متحد ہو کر فرقہ پرست اور گاندھی مخالف بی جے پی کے خلاف اجتماعی جدوجہد کریں، کیونکہ موجودہ وقت میں اتحاد سب سے بڑی ضرورت ہے۔ MNREGA ستیہ گرہ پروگرام کا اہتمام کاروان ڈویژن انچارج شری جے۔ رویندر نے کیا۔
اس پروگرام میں شری مترا کرشنا، شری سی ایچ شنکر، کاروان ڈویژن مہیلا صدر محترمہ مادھوی، شوبھا پانڈے، چنتی بابو، پرمانندم، زیہ گڈا ڈویژن انچارج ونود چاؤگلے، درگا پرساد، خیرآت آباد ضلع نائب صدر (IYC) عبداللہ بن عثمان الحاجری، آئی وائی سی جنرل سیکریٹری سنتوش گوڑ، محمد عنایت اللہ شریف، محمد بن عثمان الحاجری، یوتھ کانگریس لیڈر علی بن عثمان الحاجری، خواجہ سیف الدین نواز، سائی کرن، پرنیت، اسامہ بن عثمان الحاجری کے علاوہ بڑی تعداد میں مقامی عوام اور کانگریس کارکنان شریک تھے۔
