وشاکھاپٹنم پلانٹ کی نجی کاری کو روکنے کے ٹی آر کا مطالبہ

حیدرآباد: تلنگانہ کی حکمران جماعت بی آرایس کے کارگذارصدرو وزیر انفارمیشن ٹکنالوجی کے تارک راما راو نے آندھراپردیش کے وشاکھا اسٹیل پلانٹ کی نجی کاری کو روکنے کا مطالبہ کیا۔

 انہوں نے اس سلسلہ میں مرکزی حکومت کو ایک کھلا خط روانہ کیا ۔ انہوں نے الزام لگایا کہ ا سٹیل کو پرائیویٹ کمپنیوں کے حوالے کرنے کی سازش ہو رہی ہے۔

وزیر موصوف نے سوال کیا کہ مرکزی حکومت جس نے کارپوریٹس کے 12.5 لاکھ کروڑ روپے کے قرضہ جات معاف کیے ہیں، وشاکھا اسٹیل پلانٹ پر رحم کیوں نہیں کر رہی ہے۔

 انہوں نے مطالبہ کیا کہ مرکز وشاکھاپٹنم کی اسٹیل مصنوعات خریدے اور ورکنگ کیپیٹل کو مالی امداد فراہم کرے۔ کے ٹی راما راونے مرکزی حکومت سے اسٹیل پلانٹ کے لیے 5 ہزار کروڑ روپئے مختص کرنے کی بھی خواہش کی۔