وزیراعلی اے پی یوروپ کے دورہ کیلئے روانہ

حیدرآباد: ریاست میں انتخابات کے بعد آندھراپردیش کے وزیراعلی و حکمران جماعت وائی ایس آرکانگریس کے سربراہ وائی ایس جگن موہن ریڈی ہفتہ کو بیرونی دورہ کے لئے روانہ ہوئے۔

جگن کو عدالت نے یوروپی ممالک کے دورہ کی مشروط اجازت دی تھی جس کے بعد وہ اپنی اہلیہ اوردیگر ارکان خاندان کے ساتھ کل شام بیرونی دورہ پرروانہ ہوئے۔

ان کا یہ دورہ یکم جون تک ہوگا۔جگن کو ریاستی وزرا جوگی رمیش، کے ستیہ نارائنا، رکن پارلیمنٹ این سریش، سرکاری وہپس سی ایچ بھاسکر ریڈی، ایس اُودے بھانو، ایم ایل سیز ٹی رگھو، ایم ارون کمار نے گناورم ایرپورٹ پر وداع کیا۔