ایل بی اسٹیڈیم میں 2 پہلوانوں کے درمیان جھڑپ (ویڈیو وائرل)

حیدرآباد: تلنگانہ کے دارالحکومت حیدرآباد کے ایل بی اسٹیڈیم میں دو پہلوانوں کے درمیان جھڑپ کے دوران کئی تماشائی زخمی ہوگئے ہیں۔ پولیس کے مطابق ایل بی اسٹیڈیم میں گزشتہ تین دنوں سے مودی کیسری دنگل (کشتی) مقابلہ جاری تھا۔

جمعہ کی رات اختتامی تقریب کے دوران دو پہلوانوں کے درمیان کسی بات پرٹکراؤ ہوگیا۔ جہاں ایک طرف میچ جاری تھا، وہیں دوسری طرف دونوں پہلوانوں کے حامیوں نے کرسیوں کو ہتھیار کے طور پر استعمال کر کے لڑائی شروع کر دی۔

تماشائی خوفزدہ ہو کر اسٹیڈیم سے باہر بھاگ گئے۔ اس واقعے میں کئی تماشائی زخمی ہو گئے۔ پولیس نے فوری طور پر موقع پر پہنچ کر اس میں شامل دونوں گروہوں کو گرفتار کر لیا۔