کانگریس نے تلنگانہ میں انتخابی مہم میں شدت پیدا کردی

حیدرآباد: تلنگانہ میں اس مرتبہ اقتدارحاصل کرنے کے لئے کانگریس نے اپنی انتخابی مہم میں شدت پیدا کردی ہے۔پارٹی کی طرف سے قومی رہنماوں راہول گاندھی، ملکارجن کھرگے نے پہلے مرحلہ میں انتخابی مہم چلائی۔

علاوہ ازیں پارٹی کے سینئر لیڈران اضلاع میں بڑے پیمانہ پرشدت کے ساتھ مہم چلارہے ہیں۔119رکنی تلنگانہ اسمبلی کے 100حلقوں کیلئے کانگریس نے اپنے امیدواروں کے ناموں کا اعلان کردیا ہے۔پارٹی نے ایک حلقہ سی پی آئی کے لئے چھوڑا ہے جبکہ بقیہ 18حلقوں کے امیدواروں کے ناموں کا جلد اعلان متوقع ہے۔

کوڑنگل اسمبلی حلقہ سے پارٹی کے ریاستی سربراہ ریونت ریڈی مقابلہ کررہے ہیں۔وہ حلقہ کاماریڈی سے وزیراعلی کے چندرشیکھرراو کے خلاف بھی امیدوار ہیں۔