تلنگانہ میں کانگریس کو ایک موقع دیاجائے:جیون ریڈی

حیدرآباد: تلنگانہ کانگریس امیدوار و ایم ایل سی جیون ریڈی نے ریاست کے عوام سے خواہش کی کہ وہ کانگریس کو ایک موقع دیں۔

انہوں نے کہا کہ چندرشیکھرراو کی حکمرانی سے ملک میں تلنگانہ ریاست کا مضحکہ اڑایا جارہا ہے۔

انہوں نے کہا کہ کالیشورم پراجکٹ کے نام پر ریاست کو قرض میں مبتلا کردیاگیا جس کے لئے چندرشیکھرراو ذمہ دار ہیں۔ جیون ریڈی نے جگتیال کانگریس امیدوار کے طور پر اپنا پرچہ نامزدگی داخل کیا ہے۔

اس موقع پر انہوں نے میڈیا سے بات کرتے ہوئے مطالبہ کیا کہ کالیشورم پراجکٹ کی تعمیر کی جانچ کی جانی چاہئے۔ انہوں نے کہا کہ کالیشورم کی تعمیر کے ذمہ دار تمام کو جیل بھیج دیا جائے گا۔

انہوں نے کہا کہ اقتدار آتے ہی کانگریس پارٹی کی6 ضمانتوں کو نافذ کیا جائے گا۔ انہوں نے کہا کہ ریاست کے عوام موجودہ حکومت کے خلاف ہیں۔