اے پی میں صنعتی ترقی کیلئے مشاورتی فورم تشکیل، جی او جاری

امراوتی(آئی اے این ایس) حکومت آندھرا پردیش نے کنفیڈریشن آف انڈین انڈسٹری (سی آئی آئی) کے ساتھ شراکت دار کرتے ہوئے ایک16 رکنی مشاورتی فورم تشکیل دیا ہے۔

اس فورم کے ذریعہ انڈسٹری، تجارت، اور سرمایہ کاری سے مربوط مسائل کی یکسوئی کی جائے گی اور سرمایہ کاری کے ماحول، صنعتی نمو، مہارت اور صنعت کے علاوہ انفراسٹرکچر کو تیزی کے ساتھ فروغ دینا ہے۔

اس فورم کے سربراہ ریاستی وزیر تعلیم، آئی ٹی، این لوکیش ہوں گے۔ یہ پیانل مشاورت، نیٹ ورک اور حکومت اور انڈسٹری کے درمیان رابطہ پیدا کرے گا۔

چیف سکریٹری اس مشاورتی فورم کے وائس چیرمن رہیں گے جبکہ اس فورم میں سی آئی آئی، آندھرا پردیش اسٹیٹ کونسل کے 3نمائندے بھی شامل رہیں گے۔ حکومت کے جی او کے مطابق جسے محکمہ انڈسٹریز اینڈ کامرس نے جاری کیا ہے، صدرنشین سی آئی آئی، اے پی اسٹیٹ کونسل، فورم کے لئے کنوینر رہیں گے۔

وائس چیرمین اور سکریٹری سی آئی آئی، اے پی اسٹیٹ کونسل ارکان کے طور پر رہیں گے۔ مختلف محکموں کے پرنسپال سکریٹریز اور چیف منسٹر اگزیکٹیوآفیسر اے پی اکنامک ڈیولپمنٹ بورڈ پیانل ارکان رہیں گے۔ جی او میں مزید بتایا گیا ہے کہ اے پی اکنامک ڈیولپمنٹ بورڈ سرمایہ کاری کے مناسب ماحول کو فروغ دے گا۔