بنگلہ دیشی دراندازوں کے دفاع پر تنازعہ، سیدہ سیدین حمید کے بیان پر گری راج سنگھ اور اُدت راج کی سخت تنقید

نئی دہلی (آئی اے این ایس) مرکزی وزیر گری راج سنگھ نے غیرقانونی امیگریشن کے خلاف سخت ریمارک کئے۔ انہوں نے زور دے کر کہاکہ بہار میں اگلی حکومت اگر این ڈی اے کی بنی تو 1971 کے بعد آنے والے تمام بنگلہ دیشی دراندازوں کو ڈھونڈکر ان کے ملک واپس بھیج دیا جائے گا۔

راہول گاندھی یا لالو پرساد یادو انہیں بچا نہیں پائیں گے۔ وہ ایک وائرل ویڈیو پر اپنا ردعمل ظاہر کررہے تھے جس میں منموہن سنگھ کی یو پی اے حکومت میں پلاننگ کمیشن کی رکن رہ چکی سیدہ سیدین حمید نے یہ دعویٰ کیا تھا کہ بنگلہ دیشی بھی انسان ہیں اور انہیں ہندوستان میں رہنے کا حق ہے۔

گری راج سنگھ نے کہا کہ اس بیان کا مقصد غزوہئ ہند کرنا ہے۔ اپنے حالیہ دورہ ئ آسام میں سیدہ سیدین حمید نے کہا تھا کہ اگر وہ بنگلہ دیشی ہیں تو اس میں کیا برائی ہے؟ بنگلہ دیشی بھی تو انسان ہیں۔

زمین اتنی وسیع ہے کہ بنگلہ دیشی یہاں رہ سکتے ہیں‘ کسی کا حق چھینے بغیر۔ اسی دوران کانگریس قائد اُدت راج نے بھی پلاننگ کمیشن کی سابق رکن کے متنازعہ ریمارکس پر تنقید کی اور کہا کہ جب سے بی جے پی برسراقتدار آئی ہے بنگلہ دیش سے دراندازی بڑھ گئی ہے۔

Purnia, Bihar: On former Planning Commission member Syeda Saiyidain Hameed backing stay of illegal Bangladeshi migrants in Assam, Union Minister Giriraj Singh says, "I would like to ask Madam: when you were a member, why didn’t you say this to Indira Gandhi or Sonia Gandhi? Or at… pic.twitter.com/RXYGgfcV8C

— IANS (@ians_india) August 25, 2025

11 سال مختصر عرصہ نہیں۔ ان کی شناخت اور انہیں نکال باہر کرنے کے لئے صرف ایک سال کافی ہے۔ جھارکھنڈ اور دہلی اسمبلی الیکشن میں بنگلہ دیشی اور روہنگیا واضح دکھائی دیئے۔ اب یہ لوگ آسام میں بھی موجود ہیں۔ بہار میں ایس آئی آر جاری ہے ایسے میں انہیں کیوں نہیں پکڑا جارہا ہے؟۔

وہی لوگ انہیں لارہے ہیں۔ ہندوستان‘ بنگلہ دیش اور پاکستان کے لوگوں کے چرنے کی جگہ نہیں کہ وہ یہاں آئیں اور بس جائیں۔ کانگریس پارٹی کا موقف واضح کرتے ہوئے اُدت راج نے کہا کہ ہماری پارٹی کا کھل کر کہنا ہے کہ کسی بھی غیرملکی یا درانداز کو برداشت نہیں کیا جائے گا۔

After Jamiat , has @INCAssam has imported another key strategist ? Meet UPA era Planning Commission member Madam Syeda Hameed. She comes to Guwahati and says “Bangladeshi aaye to kya hua”

Madam – infiltrators will have to leave Assam . Congis can keep crying pic.twitter.com/i04arIm3KA

— Pijush Hazarika (@Pijush_hazarika) August 24, 2025

سماجی جہدکار سیدہ سیدین حمید نے یہ بھی کہا تھا کہ اللہ نے یہ زمین انسانوں کے لئے بنائی ہے‘ شیطانوں کے لئے نہیں۔ اگر کوئی شخص زمین پر کھڑا ہے‘ اسے کھدیڑنا مسلمانوں کے لئے قیامت ہے۔ انہوں نے حکومت آسام پر الزام عائد کیا تھا کہ وہ ناحق مسلمانوں کو نشانہ بنارہی ہے۔