غلطی سے بینک کھاتے میں جمع 1.2کروڑ روپئے واپس نہ کرنے پر دبئی عدالت کا فیصلہ
دبئی کریمنل کورٹ نے ہندوستانی سے یہ بھی کہا ہے کہ یہ رقم جرمانہ کے ساتھ ادا کی جائے۔یہ بات نیشنل نے اطلاع دی۔بتایا گیا ہے کہ عدالت نے سزا کی تکمیل کے بعد اس کو اس کے وطن کو روانہ کردینے کا حکم دیا ہے۔
دبئی: دبئی کی ایک عدالت نے ہندوستانی کو ایک ماہ جیل کی سزا سنائی ہے۔یہ بات سرکاری ذرائع نے آج یہاں بتائی اور کہا کہ 570,000 درہم (1.2کروڑ)جوکہ غلطی سے گزشتہ اکتوبر کو اس کے بینک کھاتے میں منتقل ہوگئے تھے واپس نہ کرنے پر عدالت نے یہ سزا دی ہے۔
دبئی کریمنل کورٹ نے ہندوستانی سے یہ بھی کہا ہے کہ یہ رقم جرمانہ کے ساتھ ادا کی جائے۔یہ بات نیشنل نے اطلاع دی۔بتایا گیا ہے کہ عدالت نے سزا کی تکمیل کے بعد اس کو اس کے وطن کو روانہ کردینے کا حکم دیا ہے۔
ہندوستانی جس کو جیل کی ایک ماہ کی سزا دی گئی ہے اس کا نام نہیں بتایا گیا ہے۔اس نے عدالت کو بتایا کہ اس کو ایک ٹرانسفر نوٹیفیکیشن وصول ہوا لیکن وہ اس سے واقف نہیں ہے کہ یہ رقم کہاں سے آئی۔میرے بینک اکاؤنٹ میں مذکورہ رقم ڈپازٹ ہونے پر مجھے حیرت ہوئی تھی۔
اس نے عدالت کو یہ بات بتائی اور کہا کہ ایک کمپنی نے مجھ سے کہا ہے کہ وہ رقم واپس کردیں لیکن میں نے انکار کردیا کیونکہ مجھے اس تعلق سے یقین نہیں تھا کہ یہ رقم کمپنی کی ہے۔
کمپنی کے عہدیداروں نے کئی مرتبہ رقم واپس کرنے کیلئے کہا لیکن میں مطمئن نہیں تھا اس لئے میں نے انکار کردیا۔ یہ بات ہندوستانی کے حوالہ سے اخبار نیشنل نے بتائی اور کہا کہ رقم ایک میڈیکل ٹریڈنگ کمپنی کی جانب سے منتقل کی گئی۔
ایک عہدیدار نے یہ بات بتائی اور کہا کہ تفصیلات کے تعلق سے جانچ پڑتال کے بغیر یہ رقم اکاؤنٹ میں منتقل کردی گئی ہے۔یہ بات میڈیکل ٹریڈنگ کمپنی نے ججوں کو بتائی۔جس کے بعد کمپنی نے اس واقعہ سے الرافع پولیس اسٹیشن کو واقف کروایاجبکہ ملزم نے رقم واپس کرنے سے انکارکردیا جبکہ اس کو اس بات کا علم ہے کہ غلطی سے یہ رقم منتقل کی گئی ہے۔
دبئی پبلک پرازیکیوشن نے اس پر غیر قانونی رقم حاصل کرنے کا الزام عائد کیا ہے جس کے بعد سے اس شخص جس کا بینک اکاؤنٹ منجمد ہوگیا ہے۔اس نے اعتراف کرلیا اور تصفیہ کیلئے مہلت چاہئے لیکن اس کی اس درخواست کو مسترد کردیا گیا۔جس کے بعد اس نے عدالت کے فیصلے کے خلاف اپیل کی۔توقع ہے کہ آئندہ ماہ اس درخواست کی سماعت ہوگی۔
