ریونت ریڈی کو دہلی پولیس کی نوٹس،حیدرآبا دمیں کانگریس کا احتجاج

حیدرآباد: ریزرویشن کے سلسلہ میں مرکزی وزیر داخلہ امیت شاہ کے الٹ پھیروالے ویڈیو کے معاملہ میں دہلی پولیس کی وزیراعلی تلنگانہ ریونت ریڈی کونوٹس کے خلاف شہرحیدرآباد کے ایل بی نگر علاقہ میں کانگریس کی جانب سے بڑے پیمانہ پر احتجاج کیاگیا۔

کانگریس کے لیڈروں اور کارکنوں کی بڑی تعداد نے اس احتجاج میں حصہ لیتے ہوئے دہلی پولیس کی نوٹس کی سخت مذمت کی۔ان کارکنوں کے ہاتھوں میں پلے کارڈس اورمشعلیں تھیں۔

انہوں نے مودی حکومت کے خلاف نعرے بازی کی اوراس نوٹس کو نامناسب قراردیا۔انہوں نے ساتھ ہی جمہوریت کے تحفظ کے نعرے بھی لگائے۔انہوں نے اس نوٹس کو سازش قراردیا۔