انڈونیشیا کے مشرقی نوسا تینگارا میں زلزلے کے جھٹکے

جکارتہ: انڈونیشیا کے مشرقی نوسا تینگارا صوبے میں پیر کی صبح 6.3 شدت کا زلزلہ آیا، تاہم اس سے سونامی کا کوئی خطرہ نہیں ہے۔ ملک کے موسمیات، آب و ہوا اور ارضیاتی ادارے (بی ایم کے جی) نے یہ اطلاع دی۔

بی ایم کے جی کی ویب سائٹ کے مطابق زلزلہ جکارتہ کے وقت کے مطابق رات 12 بج کر 4 منٹ اور 28 سیکنڈ پر آیا، جس کا مرکز شمالی وسطی تیمور ریجنسی کے شمال مغرب میں 82 کلومیٹر کی دور پر اور سطح زمین سے 75 کلومیٹر کی گہرائی میں واقع تھا۔

زلزلے کے مرکز کے نقاط 9.06 ڈگری جنوبی عرض البلد اور 123.97 ڈگری مشرقی طول البلد پر درج کیے گئے۔

مشرقی نوسا تینگگارا ڈیزاسٹر مینجمنٹ ایجنسی کے ایمرجنسی یونٹ کے سربراہ گیسپر لوسا مانیسا نے کہا کہ ’’یہاں کے رہائشیوں نے یہاں زلزلے کے جھٹکے محسوس کیے لیکن اس سے خوف و ہراس پیدا نہیں ہوا۔ ابھی تک کسی نقصان یا جانی نقصان کی کوئی اطلاع نہیں ہے۔ ہم ممکنہ خطرات کی نگرانی جاری رکھے ہوئے ہیں۔‘‘