ہاتھی کا گوشت عوام کی غذائی ضروریات پوری کرے گا!

ہرارے: جنوبی افریقی ملک زمبابوے کی حکومت نے شدید خشک سالی کی وجہ سے غذائی قلت کے شکار شہریوں کو خوراک فراہم کرنے کے لیے 200 ہاتھیوں کو ذبح کرنے کی منظوری دے دی ہے۔

حکام کے مطابق، زمبابوے کی تقریباً نصف آبادی شدید بھوک کے خطرے کا سامنا کر رہی ہے، جس کے پیش نظر یہ فیصلہ کیا گیا ہے۔

زمبابوے پارکس اینڈ وائلڈ لائف اتھارٹی کے ترجمان نے بتایا کہ ہاتھیوں کی تعداد ملک میں حد سے زیادہ ہو چکی ہے، جہاں اس وقت 84,000 ہاتھی موجود ہیں جو کہ ملک کی گنجائش سے تقریباً دوگنا ہے۔

وزیر ماحولیات نے پارلیمان میں کہا کہ ہاتھیوں کی بڑھتی ہوئی تعداد جنگلات کے وسائل کو محدود کر رہی ہے اور انسانی و جنگلی حیات کے درمیان تصادم کا باعث بن رہی ہے۔

انہوں نے مزید وضاحت کی کہ حکومت زمبابوے پارکس کے ساتھ مل کر ہاتھیوں کی تعداد کو متوازن کرنے کے اقدامات کر رہی ہے تاکہ ان کا گوشت ضرورت مند آبادی تک پہنچایا جا سکے۔