ایلون مسک کی ٹویٹر چڑیا ‘اڑنے’ کی تیاری میں

واشنگٹن: سوشل میڈیا پلیٹ فارم ‘ٹوئٹر’ کا لوگو ‘چڑیا’ جلد ہی ‘اڑ’ جائے گی اور نئے لوگو میں ‘X’ کو شامل کیا جا سکتا ہے۔ ٹویٹر کے مالک ایلون مسک نے اتوار کو ٹویٹ کیا کہ اس سوشل میڈیا پلیٹ فارم کا لوگو بدل جائے گا۔

مسٹر مسک نے کہا، "جلد ہی ہم ٹویٹر برانڈ اور آہستہ آہستہ تمام پرندوں کو الوداع کہیں گے۔ سوشل میڈیا پلیٹ فارم ‘تمام پرندوں’ کو الوداع کہتے ہوئے اپنا لوگو بدل دے گا۔

انہوں نے ٹویٹ کیا، "اگر آج رات ایک زبردست ‘X’ لوگو پوسٹ کیا جاتا ہے، تو ہم اسے کل پوری دنیا میں لائیو کردیں گے۔”

ٹوئٹر خریدنے کے بعد وہ ایک کے بعد ایک نئی تبدیلیاں کر رہے ہیں۔ حال ہی میں انہوں نے کہا کہ ٹوئٹر پر ڈائریکٹ میسج (ڈی ایم) کرنے کے لیے بھی پیسے ادا کرنے ہوں گے ۔ ارب پتی کاروباری شخص نے بعد میں لکھا کہ وہ چاہتے ہیں کہ نیا لوگو "ہم میں سے ہر ایک میں ان خامیوں کو مجسم کرے جو ہمیں منفرد بناتی ہیں۔”

انہوں نے اکتوبر 2022 کے آخر میں ٹویٹر کے 44 بلین ڈالر کے حصول کو حتمی شکل دی۔ یہ ایک امریکی کمپنی تھی جو سال 2006 میں قائم ہوئی تھی اور اس کا صدر دفتر سان فرانسسکو، کیلیفورنیا میں تھا۔

 ٹویٹر کارپوریشن 2006 میں مسک کی طرف سے قائم کردہ ایکس کارپوریشن کے ساتھ انضمام کے نتیجے میں ایک علیحدہ کمپنی کے طور پر ختم ہو گئی۔ انہوں نے جون کے اوائل میں اشارہ کیا کہ وہ پلیٹ فارم کی مکمل صلاحیت کو اجاگر کرنے کے لیے ٹویٹر کو ری برانڈ کرنے پر غور کر رہے ہیں۔

مسک نے اپنی زیادہ تر کمپنیوں کے ناموں اور لوگو میں X کو شامل کیا ہے۔ حال ہی میں لانچ کی گئی مصنوعی ذہانت کمپنی کا نام بھی ایکس اے آئی رکھا گیا ہے۔

 ان کی اسپیس ‘ایکسپلوریشن ٹیکنالوجیز کارپوریشن’ کمپنی کا نام ایکپیس ایکس بھی ایکس سے مل کر بنا ہے۔ اب وہ ٹوئٹر کے برڈ لوگو کو ‘X’ سے بدلنے کی تیاری کر رہے ہیں۔ انہوں نے ایک ٹویٹ میں لکھا کہ لوگو ایسا ہی ہوگا لیکن اس میں ایکس ہوگا۔