ایمرجنسی کے دوران باپ نے بچے سے پہلے بیگ سنبھالا، سوشل میڈیا پر شدید تنقید کا نشانہ

ڈینور (امریکہ) — امریکہ کے ڈینور ایرپورٹ پر اس وقت سنسنی پھیل گئی جب میامی جانے والی فلائٹ AA3023 ایک ہنگامی صورتحال کا شکار ہوگئی۔ یہ طیارہ، جو Boeing 737 MAX 8 ماڈل کا تھا، رن وے پر ہی لینڈنگ گیئر میں خرابی کے باعث آگ کی لپیٹ میں آگیا۔

طیارہ ابھی پرواز کے لئے تیار ہی ہو رہا تھا کہ اس میں تکنیکی خرابی سامنے آئی، جس کے بعد تمام 173 مسافروں اور 6 عملے کے ارکان کو فوری طور پر ایمرجنسی سلائیڈس کے ذریعہ باہر نکالا گیا۔

اس واقعہ کی ایک ویڈیو سوشل میڈیا پر تیزی سے وائرل ہو رہی ہے، جس میں ایک شخص اپنے بچے کے ساتھ ایمرجنسی سلائیڈ سے نیچے آتا دکھائی دیتا ہے لیکن حیرت انگیز طور پر اس نے ایک ہاتھ میں بڑا اور بھاری بیگ بھی پکڑا ہوا ہے۔ نیچے آتے وقت بیگ کا وزن اتنا زیادہ تھا کہ وہ شخص توازن کھو بیٹھا اور اپنی پیٹھ کے بل زمین پر گر پڑا۔ خوش قسمتی سے بچہ زخمی ہونے سے بچ گیا، لیکن اس منظر نے ناظرین کو حیرت زدہ کردیا۔

विमान यात्रायें दुनिया भर में एकाएक असुरक्षित क्यों बनने लगी हैं??

अमेरिका के डेनिवर एअरपोर्ट पर टेकऑफ से पहले एक यात्री विमान के लैंडिग गियर में दिक्कत आ गई। जिसके कारण उसमें से आग और धुआं निकलने लगा। हवाई अड्डे पर मौजूद अधिकारी एक्शन में आए। इसके बाद सबसे विमान में से… pic.twitter.com/8Kld1ULeG3

— Gyanendra Shukla (@gyanu999) July 28, 2025

ویڈیو سامنے آتے ہی صارفین نے والد کے اس رویہ کو غیر ذمہ دارانہ اور خطرناک قرار دیا۔ ایک صارف نے لکھا:
"براہِ کرم ایسے والد نہ بنیں، سب سے پہلے بچے کی جان ہے، بیگ بعد میں بھی خریدا جا سکتا ہے۔”

ایک اور صارف نے سخت لہجے میں کہا:
"اگر کوئی ایمرجنسی میں بیگ سنبھالنے کی کوشش کرے گا تو دھکم پیل اور ہاتھا پائی طئے ہے۔”

🚨#UPDATE: Please don’t be like this father focus on your child instead of your luggage. You can’t safely manage both, and it only leads to accidents, like the one that just happened putting others at risk too pic.twitter.com/8CgeGFSD0K

— R A W S A L E R T S (@rawsalerts) July 26, 2025

جبکہ تیسرے صارف نے سوال اٹھایا:
"کیا لوگ پرواز سے پہلے دی جانے والی حفاظتی ہدایات کو بالکل بھی نہیں سنتے؟”