ایک ہزار کے بدلے تین ہزار دینے کا وعدہ پورا نہ کرنے پر باپ نے تین بچوں کو قتل کر خود کشی کرلی

حیدرآباد: ایک ہزارروپئے دینے پر تین ہزارروپئے واپس کرنے کا وعدہ کرتے ہوئے زائد رقم دینے میں ناکام شخص نے اپنے تین بچوں کے قتل کے بعد خودکشی کرلی۔

یہ انوکھاواقعہ تلنگانہ کے ضلع رنگاریڈی کے ٹنگوٹورو میں پیش آیا۔ اس شخص کی شناخت35سالہ روی کے طورپر کی گئی ہے۔

اس نے منی اسکیم کے نام پر قریبی مواضعات میں رہنے والوں سے رقم وصول کی۔ا س اسکیم کے ذریعہ روی نے کئی افرادسے یہ کہہ کر رقم اکٹھی کی کہ وہ تین ہزار روپے فی ہزار روپئے پر 58دنوں میں دے گا۔

اس طرح ا س نے تقریبا پانچ لاکھ روپئے کی رقم جمع کرلی۔زائد رقم کی فراہمی کیلئے دباو پر رقم کی فراہمی میں ناکامی پر روی نے خودکشی کرلی۔

اس کو کئی معاشی مسائل بھی تھے جس پر اس نے مایوسی کے عالم میں اپنے تین بچوں کا قتل کردیا اور پھر درخت سے پھانسی لے کر خودکشی کرلی۔