محکمہ جنگلات کے عہیدادر تروپتی کے قریب تیندوے کو پکڑنے میں کامیاب

حیدرآباد: محکمہ جنگلات کے عہدیداروں نے بالاخر ایس وی یونیورسٹی تروپتی کے قریب تیندوے کو پکڑنے میں کامیابی حاصل کرلی۔اس تیندوے کے سبب یونیورسٹی کے طلبہ، اسٹاف اور اساتذہ میں تشویش دیکھی جارہی تھی۔

دو تیندوے، یونیورسٹی کے طلبہ میں خوف وہراس پیدا کئے ہوئے تھے۔یونیورسٹی کے احاطہ میں سیکوریٹی کے عہدیداروں نے ان جنگلی جانوروں کو دیکھاتھا۔

تیندوے نے کتے پر حملہ کیاتھا۔اس حملہ کا ویڈیو قریب میں لگے سی سی ٹی وی کیمرہ میں قید ہوگیا تھا۔طلبہ نے تیندوے کو پکڑنے کامطالبہ کرتے ہوئے احتجاج کیا تھا اور محکمہ جنگلات کے عہدیداروں نے اس کو گذشتہ شب پکڑنے میں کامیابی حاصل کی جس کے بعد تمام نے راحت کی سانس لی۔