بھدراچلم کی سابق ایم ایل اے و بی جے پی لیڈر ستیہ وتی چل بسیں

حیدرآباد: بھدراچلم کی سابق ایم ایل اے و بی جے پی لیڈر ستیہ وتی آج صبح چل بسیں۔

ان کے ارکان خاندان کے مطابق بھدراچلم میں ستیہ وتی نے سینہ میں درد کی شکایت کی جس کے بعد ان کو فوری طبی امداد کے لیے خصوصی ایمبولینس میں اسپتال لے جایا جا رہا تھاکہ ان کی موت ہوگئی۔

ستیہ وتی 2009 سے 2014 تک کانگریس رکن اسمبلی رہیں۔ 2014 اور 2018 میں بی جے پی امیدوار کے طور پرانہوں نے انتخابات میں حصہ لیا تاہم انہیں شکست ہوئی۔

تلنگانہ کے وزیر ٹرانسپورٹ پی اجے کمار، کھمم کے ایم پی ناماناگیشور راؤ، محبوب ایم پی کویتا، راجیہ سبھا رکن گایتری روی اور بھدراچلم کے ایم ایل اے ویرایا نے ستیہ وتی کی موت پر ان کے غمزدہ ارکان خاندان سے تعزیت کا اظہار کیا۔