غزہ کے حق میں سابق آئی آئی ٹی پروفیسر کی بھوک ہڑتال، پولیس کا سخت و متعصبانہ رویہ (ویڈیو)

نئی دہلی: 77 سالہ ریٹائرڈ آئی آئی ٹی دہلی کے پروفیسر وی کے تریپاٹھی، جو غزہ کے عوام کے حق میں خاموش احتجاج اور روزہ بھوک ہڑتال رکھتے ہوئے راج گھاٹ پہنچے تھے، کو پولیس نے روک دیا اور مبینہ طور پر ان کے ساتھ سخت برتاؤ کیا۔ یہ انکشاف ان کی بیٹی رادھی تریپاٹھی نے سوشیل میڈیا پر کیا ہے۔

پروفیسر تریپاٹھی نے یومِ آزادی کے موقع پر ایک روزہ بھوک ہڑتال رکھتے ہوئے، پمفلٹ تقسیم کر کے عام لوگوں کو غزہ میں جاری انسانی المیہ پر سوچنے کی اپیل کی۔ شام چھ بجے کے قریب پولیس اہلکار وہاں پہنچے اور ان سے سخت لہجہ میں بات کی۔ ان کی بیٹی نے ایک پوسٹ میں لکھا:

"دل ٹوٹ گیا۔ میرے والد پروفیسر وی کے تریپاٹھی نے غزہ کے لئے راج گھاٹ پر ایک روزہ بھوک ہڑتال کی اور پمفلٹ تقسیم کئے۔ شام کو اچانک کئی پولیس والے آئے اور ایسے غصہ اور نفرت کے ساتھ چیخنے لگے جیسے ہم فساد کرنے آئے ہوں۔ یہ ہماری پولیس ہے، یقین نہیں آ رہا۔ اتنی نفرت اور تعصب!”

یومِ آزادی سے قبل انہوں نے عوام سے اپیل کی تھی:
"گاندھی کی سرزمین سے اس آزادی کے دن، آئیے اپنی آزادی کو بامعنی بنائیں۔ غزہ میں بھوک و افلاس کے خلاف عدم تشدد کے ساتھ احتجاج کریں، دستخطی مہم میں شامل ہوں اور دنیا کو بتائیں کہ ہندوستانی انسانیت کے ساتھ ہیں۔”

In true Gandhian spirit, my father, Prof. Tripathi, hands out flyers daily on Gaza mass starvation—a silent cry for humanity.
This 15th August, we will fast for Gaza’s innocent souls, remembering those who sleep hungry every day. 💔💔 pic.twitter.com/8VFDiUnKLa

— Rakhi Tripathi (@rakhitripathi) July 30, 2025

ان کی بیٹی نے 10 اگست کو پوسٹ کیا تھا:
"پاپا، پروفیسر وی کے تریپاٹھی صبح 10 بجے غزہ کے حق میں پمفلٹ لے کر نکلے۔ وہ دن بھر سڑکوں پر رہیں گے اور 15 اگست کو بھوک ہڑتال کریں گے۔ براہ کرم اس دستخطی مہم کو آگے بڑھائیں۔”

Papa, Prof VK Tripathi, left home at 10 am with fliers on Gaza. He’ll spend the day on the streets, wearing these posters. He is deeply hurt by the Mass Starvation in Gaza. He will fast on Aug 15th. 
Please sign the petition and let the world know that there are Indians across… pic.twitter.com/QEFVGIM9Lp

— Rakhi Tripathi (@rakhitripathi) August 12, 2025

8 اگست کو ایک اور پوسٹ میں انہوں نے اپنے والد کے الفاظ نقل کئے:
"’ہندوستان ابھی زندہ ہے‘۔ میرے والد پروفیسر وی کے تریپاٹھی نے پورا دن سڑکوں پر پمفلٹ بانٹے۔ وہ خوش ہیں کہ بیشتر دلوں میں غزہ کے لئے دکھ ہے، یہ اس بات کا ثبوت ہے کہ انسانیت ابھی باقی ہے۔”

سی اے اے مخالف احتجاج ہو یا بابری مسجد انہدام کے بعد کے حالات، انہوں نے ہمیشہ تنہا مہم چلائی، پمفلٹ بانٹے، لوگوں سے بات کی اور اپنی سرگرمی کو ایک تعلیمی مشن کے طور پر پیش کیا۔

راج گھاٹ کا تازہ واقعہ اگرچہ ان کے لئے مایوس کن رہا، لیکن ان کی جدوجہد کمزور نہیں ہوئی۔ وہ آج بھی غزہ کے عوام کے لیے عدم تشدد اور گاندھیائی راستے پر آواز بلند کر رہے ہیں۔

77-year-old Professor V.K. Tripathi observed a fast at Rajghat and distributed pamphlets in solidarity with Gaza. However, instead of being allowed to continue his peaceful protest, he was allegedly subjected to rough treatment by the police. pic.twitter.com/SPpKMPdvCj

— The Observer Post (@TheObserverPost) August 17, 2025