شادی شدہ خاتون کی کار میں اجتماعی عصمت ریزی، حیدرآباد میں واقعہ

حیدرآباد: حیدرآباد کے نارسنگی علاقہ میں شادی شدہ خاتون کی کار میں اجتماعی عصمت دری کا واقعہ پیش آیا۔ پیراں چیروعلاقہ میں اس خاتون کا اغوا کرتے ہوئے ڈکیتی کرنے والوں نے اس کی عصمت ریزی کی اور اس کے طلائی زیورات زبردستی طورپر چھین لئے۔

بعد ازاں اس خاتون کو گنڈی پیٹ علاقہ میں چھوڑکر ملزمین فرار ہونے میں کامیاب رہے۔اس واقعہ کی اطلاع متاثرہ نے اپنے شوہر سے کی جس کے بعد اس کا شوہر اس کو گھر لے گیا اور پولیس سے شکایت کی جس کے بعد پولیس نے اس خصوص میں ایک معاملہ درج کرکے ملزمین کی تلاش شروع کردی۔

پولیس، سی سی ٹی وی فوٹیجس کا تجزیہ کررہی ہے تاکہ اس سلسلہ میں شواہد کا پتہ چلایاجاسکے اور یہ بھی پتہ چلایاجاسکے کہ ملزمین کہاں فرار ہوئے ہیں۔سمجھاجاتا ہے کہ ملزمین حالت نشہ میں تھے۔