یوم تاسیس تلنگانہ کی تقریب میں شرکت کیلئے گورنر مدعو

حیدرآباد: تلنگانہ کی یوم تاسیس تقریب میں شرکت کے لئے وزیراعلی تلنگانہ ریونت ریڈی اور نائب وزیراعلی ملوبھٹی وکرامارکا نے گورنررادھاکرشنن کو مدعو کیا۔

آج ان دونوں نے راج بھون پہنچ کر گورنر سے ملاقات کی اوران کو اس تقریب کے لئے مدعو کیا۔واضح رہے کہ متحدہ آندھراپردیش کی تقسیم کے ذریعہ تلنگانہ کی تشکیل کے دس سال 2جون کو مکمل ہورہے ہیں۔

اس سلسلہ میں ریاستی حکومت کی جانب سے بڑے پیمانہ پر جشن منایاجارہا ہے اور اصل تقریب پریڈگراونڈس سکندرآباد میں منعقد کی جارہی ہے جس میں سونیاگاندھی کو بھی مدعوکیاگیا ہے۔

ریاست کی حکمران جماعت کانگریس نے تلنگانہ کو ریاست کا درجہ دلانے کیلئے اُس وقت کی یوپی اے کی صدرنشین سونیاگاندھی کے رول کی اہمیت کو تسلیم کیا ہے۔