تلنگانہ میں گرمی کی شدت میں بتدریج اضافہ

حیدرآباد: تلنگانہ میں سردی کی لہر میں کمی اور گرمی کی شدت میں بتدریج اضافہ ہوتاجارہا ہے۔ پچھلے کچھ دنوں سے ریاست کے تمام اضلاع میں دن کا درجہ حرارت 31 ڈگری سیلسیس سے زائد ریکارڈ کیا گیا۔

5 دنوں سے ضلع کھمم میں درجہ حرارت معمول سے 3 ڈگری زیادہ درج کیاگیا ہے۔ دوسری طرف ریاستی دارالحکومت حیدرآباد میں درجہ حرارت معمول سے 1.5 ڈگری زیادہ درج کیاجارہاہے۔

محبوب نگر، میدک، بھدراچلم، ہنمکنڈہ، ورنگل اور کریم نگر علاقوں میں بھی گرمی کی شدت میں اضافہ ہوا۔ماہرین کا کہنا ہے کہ اس کی وجہ ہوا میں نمی کا کم ہونا ہے۔

دوسری طرف عادل آباد اور راما گنڈم میں بھی رات کے درجہ حرارت میں تبدیلی شروع ہو گئی ہے جو عام 14 ڈگری سے 5 ڈگری زیادہ ہے۔