بی آرایس کے رکن پارلیمنٹ اور رکن اسمبلی کے مکانات کی تلاشی

حیدرآباد: شہرحیدرآباد میں انکم ٹیکس کے عہدیداروں کی تقریبا 50 ٹیموں نے مختلف علاقوں میں ریاست کی حکمران جماعت بی آرایس کے رکن پارلیمنٹ کے پربھاکر ریڈی،بی آرایس کے رکن اسمبلی ایم جناردھن ریڈی کے ساتھ ساتھ پی شیکھرریڈی کے مکانات کی تلاشی لی۔

کے پربھاکرریڈی پارلیمنٹ میں میدک حلقہ کی نمائندگی کرتے ہیں جبکہ جناردھن ریڈی تلنگانہ اسمبلی میں ناگرکرنول حلقہ کی نمائندگی کرتے ہیں۔

آئی ٹی کی ٹیموں نے آج صبح اپنی اس کارروائی کاآغاز کیا اور ان تمام کے مکانات کی تلاشی لی۔

حیدرآباد میں، آئی ٹی عہدیداروں نے جوبلی ہلز روڈ نمبر 36 میں واقع ایم جناردھن ریڈی کے مکان کا معائنہ کیا۔

انہوں نے کوتہ پیٹ میں شیکھر ریڈی کی رہائش گاہ کی تلاشی لی۔ ٹیکس ادائیگیوں سے متعلق مختلف دستاویزات کی جانچ کا کام کیاجارہا ہے۔

دوسری جانب شہر میں مختلف رئیل اسٹیٹ کمپنیوں کے دفاتر اور شاپنگ مالز کی بھی تلاشی لی جارہی ہے۔