جنوبی ایران میں آئل ریفائنری میں زبردست آگ

تہران: ایران کے جنوبی بندرگاہی شہر بندر عباس میں ایک آئل ریفائنری میں پیر کو زبردست آگ لگ گئی جس پر قابو پالیا گیا ہے۔ ریفائنری کے تعلقات عامہ کے دفتر کے ڈائریکٹر نصیر بابائی کے حوالے سے بتایا گیا کہ آگ کل سہ پہر تین بجے کے قریب لگی۔

بابائی نے کہا کہ آگ آفتاب آئل ریفائننگ کمپنی کی تین پٹرولیم مصنوعات کے ذخیرہ کرنے کی سہولیات میں دھماکے سے لگی، انہوں نے مزید کہا کہ دھماکے کی وجہ کا ابھی پتہ نہیں چل سکا ہے۔ امدادی کاموں کے لیے ایمبولینس اور ایک ہیلی کاپٹر کو موقع پر پہنچا دیا گیا ہے۔

ایران کی سرکاری خبر رساں ایجنسی ارنا نے اطلاع دی ہے کہ آگ میں اب تک آٹھ فائر فائٹرز زخمی ہوئے ہیں جن میں سے ایک شدید جھلس گیا ہے۔