حیدرآباد: والد کی سرزنش سے دلبرداشتہ دسویں جماعت کے طالب علم کی خودکشی

حیدرآباد: تعلیم پر توجہ نہ دینے پر والد کی جانب سے ڈانٹ ڈپٹ کئے جانے کے بعد ایک طالب علم نے انتہائی قدم اٹھاتے ہوئے خودکشی کرلی۔ یہ المناک واقعہ شہر حیدرآباد کے علاقہ دومل گوڑہ میں پیش آیا۔

تفصیلات کے مطابق اروند نامی طالب علم، جو دسویں جماعت میں زیرِ تعلیم تھا گزشتہ کچھ دنوں سے پڑھائی میں لاپرواہی کررہا تھا۔ اس بات پر اس کے والد نے اسے بہتر پڑھائی کرنے کی نصیحت کی اوراس کی سرزنش کی۔

والد کی سرزنش سے دلبرداشتہ ہو کر اروند نے اس وقت گھر میں پھانسی لگا کر خودکشی کر لی جب اس کے والدین گھر پر موجود نہیں تھے۔

اطلاع ملتے ہی پولیس وہاں پر پہنچ گئی اور لاش کو پوسٹ مارٹم کے لئے سرکاری اسپتال منتقل کر دیا۔ پولیس نے اس سلسلہ میں مقدمہ درج کر کے تحقیقات کاآغازکردیا۔