حیدرآباد اور دیگر مقامات پر درجہ حرارت45 ڈگری سے زائد درج

حیدرآباد: ریاست تلنگانہ کے کئی مقامات پر دھوپ کی شدت برقرار ہے۔کئی مقامات پر درجہ حرارت 45 ڈگری درج کیاگیا۔

محکمہ موسمیات کے مطابق گرمی کی یہ شدت مزید تین تاچار دن تک جاری رہنے کا امکان ہے۔

سوریا پیٹ، نلگنڈہ، کریم نگر، کوتہ گوڑم، جگتیال، کھمم، محبوب آباد اور حیدرآباد میں درجہ حرارت 45 ڈگری سے زیادہ درجہ حرارت ریکارڈ کیا گیا۔

محکمہ موسمیات کے عہدیداروں نے مشورہ دیا کہ صبح 11 بجے سے 3 بجے کے درمیان عوام گھروں سے باہر نہ نکلیں کیونکہ ان اوقات کے دوران دھوپ کی شدت زیادہ ہوتی ہے۔

صرف ضروری کام پر ہی گھروں سے باہر نکلنے کا مشورہ دیاگیا ہے۔

ساتھ ہی مناسب احتیاطی تدابیر اختیار کرنے کی خواہش کی گئی ہے۔

ضعیف افراد اور بچوں کو مناسب احتیاطی تدابیر اختیار کرنے کا مشورہ دیا گیا ہے۔