حیدرآباد: عوامی مقامات پر پٹاخے جلانے پر پابندی

حیدرآباد: حیدرآباد پولیس نے لوک سبھا انتخابات کے ووٹوں کی گنتی اور نتائج کے پیش نظر منگل کو عوامی مقامات پر پٹاخے جلانے پر پابندی عائد کردی ہے۔

سٹی پولیس کمشنر کے سرینواس ریڈی نے کہا کہ سڑکوں اور عوامی مقامات پر پٹاخے جلانے پر 4 جون کی صبح 6 بجے سے 5 جون کی صبح 6 بجے تک سختی سے پابندی رہے گی۔

اس حکم کی خلاف ورزی کرنے والوں کے خلاف حیدرآباد سٹی پولیس ایکٹ، 1348 کے تحت قانونی کارروائی کی جائے گی۔