حیدرآباد: نوجوان کے قتل کی واردات

حیدرآباد: آئی ڈی اے بولارم میونسپلٹی کی کے بی آر کالونی میں پیر کی صبح نامعلوم حملہ آوروں نے ایک نوجوان کو قتل کر دیا۔

مقتول کی شناخت 22سالہ جئے پرکاش کے طورپرکی گئی ہے جو پیشہ سے مزدور تھا اور آئی ڈی اے بولارم اور آس پاس کے علاقہ میں اینٹ کا کام کر رہا تھا۔

پولیس کے مطابق ابتدائی جانچ سے معلوم ہوا کہ اسے کہیں اور قتل کیا گیا اور بعد میں لاش اس کے گھر پر پھینکی گئی۔اس کے ارکان خاندان نے پیر کی صبح لاش دیکھی اوراس بات کی پولیس کو اطلاع دی۔

پولیس نے مقدمہ درج کر کے جانچ شروع کر دی ہے۔ لاش کو پوسٹ مارٹم کے لئے سرکاری ہسپتال منتقل کردیاگیا۔