جرائم و حادثات
نارائن پیٹ کی کاٹن مل میں بڑے پیمانہ پر آتشزدگی
آگ پر قابو پانے کے لیے نارائن پیٹ اور مکتھل سے بڑی تعداد میں فائر انجن اور دیگر واٹر ٹینکرس طلب کیے گئے تاکہ آگ کو دوسری ملوں تک پھیلنے سے روکا جاسکے۔
حیدرآباد : تلنگانہ کے ضلع نارائن پیٹ میں کاٹن مل میں بڑے پیمانہ پرآگ بھڑک اٹھی۔ اتوار کی صبح شارٹ سرکٹ کے باعث مل میں یہ آگ لگی جس میں کپاس کے بنڈل اور بیج جل گئے۔ قریبی رائس مل کے مزدوروں نے اس بات کی اطلاع مالک کو دی جس کے بعد مالک نے فوری طور پر پولیس اور فائر بریگیڈ کو اطلاع دی۔
آگ پر قابو پانے کے لیے نارائن پیٹ اور مکتھل سے بڑی تعداد میں فائر انجن اور دیگر واٹر ٹینکرس طلب کیے گئے تاکہ آگ کو دوسری ملوں تک پھیلنے سے روکا جاسکے۔ مل کے مالک نے بتایا کہ تقریباً 8 کروڑ روپے کا نقصان ہوا۔ اس سلسلہ میں پولیس نے مقدمہ درج کرکے جانچ شروع کردی۔
a3w
ہمیں فالو کریں
