حیدرآباد: عطاپور میں پولیس کی تلاشی مہم

حیدرآباد: ڈی سی پی راجندرنگر زون کی ہدایت پر شہرحیدرآباد کے عطاپور پولیس اسٹیشن کے حدود کے مختلف علاقوں جلال بابانگر، بھوپال نگر اور دیگر علاقوں میں پولیس نے کل شب تلاشی مہم چلائی۔

شہرحیدرآبادمیں جرائم کی وارداتوں کو روکنے کیلئے اس طرح کی مہم چلائی جارہی ہے جس کا مقصد عوامی مقامات پر شراب کے استعمال،جوئے خانوں اورغیرسماجی سرگرمیوں کی روک تھام ہے۔

راجندرنگر پولیس انسپکٹرس،سب انسپکٹرس،اسپیشل پارٹی،ٹی ایس ایس پی اسٹاف ارکان نے اس آپریشن میں حصہ لیا۔

پولیس نے غیر سماجی سرگرمیوں میں ملوث ہونے کے خلاف نوجوانوں اورنابالغ لڑکوں کو انتباہ دیا۔