حیدرآباد: بلدیہ نے فٹ پاتھس پر لگائے گئے غیرمجازڈبوں کو منہدم کردیا

حیدرآباد: شہرحیدرآباد کے راجندرنگرمیں گریٹرحیدرآبادمیونسپل کارپوریشن(جی ایچ ایم سی)کی جانب سے انہدامی کارروائی انجام دی گئی۔

اتوار کی صبح ہوئی اس کارروائی کے دوران میلاردیوپلی کے فٹ پاتھس کے غیرمجازقبضوں کو برخواست کیاگیا۔یہ ڈبے فٹ پاتھس پر لگائے گئے تھے۔

بلدیہ کی ٹیموں نے جے سی بی کی مدد سے ان ڈبوں کومہندم کردیا۔پولیس کے بھاری بندوبست کے درمیان یہ کارروائی انجام دی گئی۔

بلدیہ نے تقریبا 120ڈبوں کو منہدم کردیا۔روزانہ گاڑیوں کی تعداد میں اضافہ کے سبب راہگیروں کوہونے والی دشواریوں کے پیش نظر ان غیرمجازڈبوں کو منہدم کردیاگیا۔

بلدیہ نے اس مقام پر دوبارہ ڈبے لگانے پر بھاری جرمانہ عائد کرنے کا بھی انتباہ دیا۔