حیدرآباد: زیر تعمیر اپارٹمنٹ کی دیوار گرنے سے تین مزدورہلاک

حیدرآباد: شہرحیدرآبادکی کوکٹ پلی ہوزنگ بورڈ کالونی (کے پی ایچ بی)میں زیر تعمیر ایک بڑے اپارٹمنٹ کی دیوار گرنے سے تین مزدورہلاک ہو گئے۔

یہ واقعہ جمعرات کی صبح پیش آیا۔ اڈگٹہ پرگتی نگر سے جے این ٹی یو تک سڑک کے بیچ میں کے پی ایچ بی پولیس اسٹیشن کے قریب اہم شاہراہ پر یہ بڑا اپارٹمنٹ تعمیر کیاجارہا ہے۔

چھٹی منزل پر کام کے دوران سنٹرنگ اسٹکس ٹوٹ گئیں۔ لاٹھیوں کے ساتھ ہی دیوار گر گئی اور وہاں کام کرنے والے تین مزدور چھٹی منزل سے گر گئے۔

ان پر لاٹھیاں اور اینٹیں گرنے سے موقع پر ہی تینوں ہلاک ہوگئے۔اس واقعہ کے ساتھ ہی اس مصروف سڑک پر ٹریفک جام ہوگئی۔

اطلاع ملتے ہی پولیس وہاں پہنچ گئی جس نے ان لاشوں کو پوسٹ مارٹم کے لئے بھیج دیا اور اس سلسلہ میں ایک معاملہ درج کرکے جانچ شروع کردی۔