حیدرآباد میں گنیش مورتیوں کا وسرجن، ایک ہی دن میں 8,424 ٹن کچرے کی نکاسی

حیدرآباد: شہرحیدرآباد میں گنیش وسرجن کے بعد کچرے کی صفائی کا کام انجام دیا گیا۔گریٹرحیدرآباد میونسپل کارپوریشن(جی ایچ ایم سی) کے عہدیداروں نے بتایا کہ جمعرات کو ایک ہی دن میں 8,424 ٹن کچرے کی نکاسی کی گئی۔

حسین ساگر کے آس پاس کے علاقوں میں کافی کچرا دیکھاگیا۔

اس کچرے میں کاغذ کی پلیٹیں، پوجا اور آرائشی سامان زیادہ تھا۔ جمعہ کی رات تک جی ایچ ایم سی کے 27 مستقل تالابوں، 24 پورٹیبل پانی کے ٹینکوں، 23 مصنوعی تالابوں میں 91,154 مورتیوں کا وسرجن کیا گیا ہے۔

سب سے زیادہ 26,202 مورتیوں کا سیری لنگم زون میں وسرجن کیاگیا۔ 25,000 سے زیادہ مورتیوں کا ٹینک بنڈ میں وسرجن کیاگیا۔