تلنگانہ کی ترقی میں این آرآئیز کا اہم رول:دیاکرراو

حیدرآباد: تلنگانہ کے وزیر پنچایت راج دیاکرراو نے کہا ہے کہ تلنگانہ کی ترقی میں این آرآئیز کا اہم رول رہا ہے۔

انہوں نے امریکہ میں تلگو ایسوسی ایشن آف نارتھ امریکہ (تانا) کے نمائندوں اور امریکہ میں مقیم تلگواین آرآئیز سے ملاقات کی۔

اس موقع پر انہوں نے ان تمام تلگو افرادکا شکریہ ادا کیا جنہوں نے امریکہ میں ان کی میزبانی کی۔

انہوں نے کہاکہ ہم جہاں بھی ہوں اپنی حب الوطنی، اپنی ماں اور اپنی جائے پیدائش کو نہیں بھلانا چاہئے۔

ہم جہاں بھی ہیں، اپنے کام کے ساتھ، ہم اپنے ملک، ریاست اور گاؤں کی ترقی کے لیے محرک بنیں۔

یہ سلسلہ آئندہ بھی جاری رہنا چاہیے۔

وزیر موصوف نے کہا کہ وزیراعلی کے چندرشیکھرراو کی قیادت میں تلنگانہ تمام شعبوں میں آگے بڑھ رہا ہے۔