عادل آباد میں زلزلے کے جھٹکے، خوف کے عالم میں لوگ گھروں سے باہر نکل آئے

حیدرآباد: تلنگانہ کے ضلع آصف آباد کے بعض حصوں کاوٹالا، بیجور، چنتلامانے پلی میں زلزلے کے ہلکے جھٹکے کچھ سکنڈس کے لئے محسوس کئے گئے جس سے مقامی افراد خوفزدہ ہوگئے جن کا کہنا ہے کہ کچھ سکنڈس کے لئے یہ جھٹکے محسوس کئے گئے تاہم اس میں کسی بھی قسم کے جانی یا پھر مالی نقصان کی کوئی اطلاع نہیں ملی ہے۔

اس واقعہ کے بعد مقامی افراد اپنے گھروں سے باہر نکل پڑنے جنہوں نے سل فونس کے ذریعہ اپنے رشتہ داروں کی خیریت معلوم کی۔زلزلہ کی شدت کا اندازہ لگانے والے محکمہ نے ہنوز اس کی تصدیق نہیں کی ہے۔

یہ تین منڈل دریائے پرانہیتا اور پڑوسی ریاست مہاراشٹر کے سرحد کے قریب ہیں۔ مہاراشٹر کے گڑچرولی ضلع میں بھی زلزلے کے جھٹکے محسوس کئے گئے۔