نابالغ لڑکے کو قبول اسلام پر مجبور کرنے کا واقعہ، 3ملزمین تحویل میں

مظفر نگر(یوپی) (پی ٹی آئی) سیول لائنس پولیس اسٹیشن کے حدود میں ایک نابالغ لڑکے کو رقم دینے کا وعدہ کرتے ہوئے اسے مبینہ طورپر اسلام قبول کرنے پر مجبور کیا گیا۔

سرکل آفیسر راج کمار ساؤ نے نامہ نگاروں کو بتایا کہ 3 ملزمین عمران‘ نورعلی اور مانگے رام کو پوچھ تاچھ کے لئے تحویل میں لے لیا گیا ہے۔

بی این ایس اور یوپی غیرقانونی تبدیلی مذہب پر امتناع ایکٹ 2021 کی متعلقہ دفعات کے تحت ایک ایف آئی آر درج کرلی گئی ہے۔

متاثرہ لڑکے کے والد کی شکایت کے مطابق آٹھویں جماعت کے طالب علم اس لڑکے پر دباؤ ڈالا گیا کہ وہ رقم کی خاطر مذہب تبدیل کرلے۔ ارکان خاندان نے الزام لگایا کہ ایک ہندو حجام نے لڑکے کی ختنہ بھی کی ہے۔ لڑکے کو طبی معائنہ کے لئے بھیج دیا گیا ہے اور مزید تحقیقات جاری ہیں۔