حیدرآبادمیں ہند۔بنگلہ دیش تیسراٹی 20میچ۔ آن لائن ٹکٹس کی فروخت کا آغاز

حیدرآباد (یو این آئی) حیدرآباد کرکٹ اسوسی ایشن (ایچ سی اے) کے صدر جگن موہن راؤ نے کہا کہ ہند۔ بنگلہ دیش کے درمیان اپل اسٹیڈیم میں کھیلے جانے والے تیسرے ٹی20 میچ گاکے ٹکٹس کی ہفتہ سے فروخت کا آغاز ہوگیا۔

انہوں نے کہا کہ ٹکٹس مکمل طورپر آن لائن فروخت کئے جارہے ہیں اور کوئی بھی ٹکٹ آف لائن کاؤنٹرس پر فروخت نہیں کیاجائے گا۔ ٹکٹ کی قیمت 750 روپے سے شروع ہوتی ہے اور زیادہ سے زیادہ قیمت 15000 روپے تک ہے۔

انہوں نے مزید کہا کہ آن لائن بکنگ کیے گئے ٹکٹوں کو 8 سے 12 تاریخ تک جمخانہ اسٹیڈیم، سکندرآباد سے ریڈیم کیا جا سکتاہے۔ آن لائن بک کیے گئے ٹکٹوں کو ذاتی طور پر حاصل یا تبدیل کرنے کی سہولت جمخانہ اسٹیڈیم میں فراہم کی گئی ہے۔

آن لائن ٹکٹ خریدنے کے بعد شائقین کو سکندرآباد میں جمخانہ اسٹیڈیم پر جا کر اپنے آن لائن بکنگ کی تصدیق کا پرنٹ آؤٹ اور ایک درست شناختی کارڈ دکھا کر فزیکل ٹکٹ حاصل کرنا ہوگا۔

اس عمل سے یہ یقینی بنایا جاتا ہے کہ جس شخص نے ٹکٹ بک کیا ہے، اسے ایونٹ میں داخلے کیلئے اصل کاغذی ٹکٹ مل جائیں۔صبح 11 بجے سے شام 7بجے تک، آن لائن بک کیے گئے ٹکٹوں کا پرنٹ آؤٹ اور حکومت سے منظور شدہ کوئی بھی شناختی کارڈ دکھا کر فزیکل ٹکٹ حاصل کیے جا سکتے ہیں۔