ایران نے قطر میں امریکی اڈے، اسرائیل میں دفاعی ڈھانچے پر حملہ کیا: آئی آر جی سی

تہران: ایرانی پاسداران انقلاب (آئی آر جی سی) نے کہا ہے کہ ایران نے قطر میں واقع امریکی اڈے اور اسرائیل میں میزائل دفاعی ڈھانچے پر حملہ کیا ہے۔

خبر رساں ایجنسی فارس نے آئی آر جی سی کے حوالے سے کہا، "آپریشن وعد صادق 4 کا 57 واں مرحلہ مقبوضہ علاقوں کے قلب میں واقع اہداف کے خلاف کامیابی کے ساتھ انجام دیا گیا، جس میں کمانڈ اور کمیونیکیشن انفراسٹرکچر کے ساتھ ساتھ میزائل ڈیفنس انفراسٹرکچر بھی شامل ہے۔”

بیان میں مزید کہا گیا ہے کہ آئی آر جی سی نے قطر میں امریکی العدید فوجی اڈے پر ذوالفغار اور قیام میزائلوں کے ساتھ ہی ڈرون سے حملہ کیا۔

امریکا اور اسرائیل نے 28 فروری کو ایران کے خلاف مشترکہ فوجی آپریشن شروع کیا تھا جس کے جواب میں ایران نے اسرائیلی سرزمین اور مغربی ایشیا میں امریکی فوجی اڈوں پر حملے کیے تھے۔

فوجی آپریشن کے پہلے دن ایران کے سپریم لیڈر آیت اللہ علی خامنہ ای کو قتل کر دیا گیا اور جنوبی ایران میں لڑکیوں کے ایک اسکول کو حملے کا نشانہ بنایا گیا۔ ایران کے مطابق اب تک ہلاکتوں کی تعداد 1200 سے تجاوز کر چکی ہے۔