ایران کی جانب سے مجھے قتل کرنے کی کوشش بڑی غلطی ہے: نیتن یاہو

یروشلم: اسرائیلی وزیر اعظم بنجمن نیتن یاہو نے کہا کہ ایران کے ایجنٹوں نے انہیں اور ان کی اہلیہ کو قتل کرنے کی کوشش کر کے بہت بڑی غلطی کی نیتن یاہو نے ایک بیان میں کہا کہ "ایران کے ایجنٹ جنہوں نے آج مجھے اور میری اہلیہ کو قتل کرنے کی کوشش کی، ایک بہت بڑی غلطی کی ہے ” انہوں نے لبنان سے ڈرون حملے کا حوالہ دیتے ہوئے کہا کہ اس کا مقصد شمالی شہر قیصریہ میں ان کی نجی رہائش گاہ پر کیا گیا۔

ڈرون نے بعد میں شہر کے ایک اور گھر کو نشانہ بنایا جس کے نتیجے میں کوئی جانی نقصان نہیں ہوا۔ وزیر اعظم کے دفتر نے کہا کہ نیتن یاہو اور ان کی اہلیہ حملے کے وقت اپنی نجی رہائش گاہ میں نہیں تھے۔

نیتن یاہو نے بیان میں کہا کہ "یہ مجھے اور اسرائیل کو نسلوں تک ہماری سلامتی کو یقینی بنانے کے لیے ہمارے دشمنوں کے خلاف جنگ جاری رکھنے سے نہیں روک سکے گا۔”

انہوں نے کہا کہ میں ایرانیوں اور ان کے اتحادیوں سے کہتا ہوں کہ جو بھی اسرائیلی شہریوں کو نقصان پہنچائے گا اسے بھاری قیمت چکانی پڑے گی۔ ہم آپ کے دہشت گردوں کو ختم کرتے رہیں گے، غزہ سے اپنے مغوی لوگوں کو واپس لائیں گے اور شمال کے باشندوں کو ان کے گھروں کو واپس لائیں گے۔

نیتن یاہو نے کہا کہ "ہم اپنے لیے مقرر کردہ تمام جنگی اہداف حاصل کریں گے اور نسلوں کے لیے اپنے خطے میں سلامتی کی حقیقت کو بدل دیں گے۔”