عشرت جہاں کو این سی آر کے باہر وکالت کی اجازت

نئی دہلی: مقامی عدالت نے حال میں اپنے احکام میں ترمیم کی تاکہ دہلی کی سابق کانگریس کونسلر عشرت جہاں کو قومی دارالحکومت علاقہ (این سی آر) کے باہر وکالت کرنے کی اجازت ملے۔

عشرت جہاں کو جو 2020کے دہلی فسادات کیس کی ملزمہ ہے‘ 14 مارچ کو اس شرط کے ساتھ مستقل ضمانت ملی تھی کہ وہ قومی دارالحکومت علاقہ (این سی ٹی) کے حدود کے باہر نہیں جائیں گی۔

عشرت جہاں بارکونسل آف دہلی میں رجسٹرڈ پریکٹسنگ وکیل ہیں۔

انہوں نے یہ کہتے ہوئے رعایت چاہی تھی کہ انہوں نے ضمانت ملنے کے بعد عدالت کے کسی بھی حکم کی خلاف ورزی نہیں کی لہٰذا انہیں قومی دارالحکومت علاقہ کے باہر وکالت کرنے دیا جائے۔ عدالت نے اس پر اپنے احکام میں ترمیم کی اور انہیں راحت دے دی۔